Straumprisane har dei siste månadene vore betydeleg lågare samanlikna med tilsvarande periode i fjor. Svært få butikkar har derfor hatt ein straumkostnad som kvalifiserer til straumstøtte gjennom Merkur programmet.
Vilkåret for å få straumstøtte gjennom Merkur-programmet er at gjennomsnittsprisen på straum har vore over 70 øre per kWh for ein eller fleire av haustmånadene, eksklusiv nettleige, påslag og avgifter.
Merkur-programmet har har gitt avslag til fleire søknader i haust fordi søkjarane ikkje har hugsa å trekkje frå nettleige og andre påslag når dei har sendt inn søknaden.
Den ekstraordinære straumstøtta for 2023 gjeld berre for månadane juli, august, september og oktober. Det er lagt opp til at du kan sende ein søknad for juli-august og ein søknad for september-oktober, dersom straumprisen i gjennomsnitt har vore over 70 øre per kWh for ein eller fleire av desse månadene.
20. november er absolutt siste frist for å sende inn søknad om straumstøtte for 2023.
Eventuelt udisponerte midlar frå straumstøtte-ordninga vil bli overført til ordninga med ekstraordinær støtte til enøk-tiltak, og vil brukt som tilskot til ulike former for enøk-tiltak i Merkur-butikkane.