Du kan også be om bistand frå Merkur-konsulenten din for å vurdere gjeldande straumavtale og sjå om det er mogleg å erstatte denne med ein avtale som reduserer kostnadene.
Rekordhøge straumprisar i Sør-Norge har gitt store ekstra kostnader for mange nærbutikkar i vinter.
Merkur-programmet har derfor kome fram til at det er fornuftig å satse på langsiktige løysingar, i form av enøk-tiltak.
Det er grunn til å tru at straumprisane vil vere høge ei god stund framover. Daglegvarebutikkane kan spare mykje pengar på å gjennomføre tiltak for å redusere straumforbruket. Dette vil vere berekraftig på lang sikt.
Pilotprosjekt
Merkur har sett i gang eit pilotprosjekt for straumsparing i elleve butikkar på Sørlandet. Butikkane får kartlagt behovet for energiøkonomisering slik at dei kan gjennomføre tiltak for å redusere utgiftene og få betre lønnsemd.
Målsettinga med dette prosjektet er å byggje opp kunnskap om energiøkonomisering som i neste omgang kan bli gjort tilgjengeleg for andre Merkur-butikkar, i andre deler av landet.
Investeringsstøtte
Merkur-butikkar som kjem inn under regelverket for investeringsstøtte, kan søkje om støtte til tiltak som reduserer straumforbruket og dermed driftskostnadene i butikken. Fornying av kjøl og frys, utskifting av lysstoffrøyr med leddlys og nattsenking av temperatur og ventilasjon er eksempel på tiltak som kan vere aktuelle.
Avdelingsdirektør Steinar Fredheim i Distriktssenteret oppfordrar alle Merkur-butikkar om å sjå nærmare på behovet for energiøkonomisering og vurdere kva for tiltak som kan være aktuelle.
– Miljø og berekraft står sentralt i Merkur sitt arbeid. Investeringar i tiltak som bidrar til meir energieffektivisering vil ha høg prioritet for tildeling av investeringstilskot, seier Steinar Fredheim.