Kampanjen fokuserer på kor viktig bokhandelen som kulturformidlar og som salsstad for bøker. Målet er å redusere handels-lekkasjen og stimulere til meir lokal handel.

Gjennom denne kampanjen kan du både takke trufaste kundar for at dei sluttar opp om bokhandelen – og utfordre dei som handlar lite lokalt, til å tenkje over kva bokhandelen betyr for bygda eller småbyen. Lokal handel er ei investering i eit levande lokalsamfunn. Materiellet er i stor grad det same som det nærbutikkane brukar i same kampanjen.

Bokhandlane markerer dagen på ulike måtar. Merkur-programmet oppfordrar til samarbeid med lokale lag og organisasjonar, for å få til ei god markering av dagen.

Merkur-programmet jobbar for å utvikle bokhandlar i distrikta slik at dei kan gi eit best mogleg tilbod til kundane sine. Men det er like viktig at folk som bur i bygdesenteret eller småbyen, brukar bokhandelen sin i størst mogleg grad. Slik kan kundane halde oppe levande lokalsamfunn, som kan vere attraktive både for dei som bur der i dag og dei som vurderer å etablere seg der.