Vêret var ikkje det beste, men det hindra ikkje stor aktivitet. Bygdekvinnelaget stilte med seks liter vaffelrøre for å brødfø kundane. Her var det ansiktsmåling, hesteskyss og lokale musikarar som stilte opp for å skape stemning og aktivitet.
– Her er det fleire folk enn sist vi opptredde på hotellet, fortalde musikarane til Aura Avis .
Ordførar Ingrid Waagen heldt tale og sa at nærbutikken er like viktig for bygda som skulen og barnehagen. Samstundes inviterte ho seg sjølv til å ha kontortid på butikken med jamne mellomrom for å ha god kontakt med innbyggjarane.
For Matkroken på Meisingset er Handle lokalt-dagen eit årvisst arrangement, og dei bruker materiellet dei fekk frå Merkur-programmet til å marknadsføre dagen.