Servicestøtte

Små nærbutikkar som deltek i Merkur-programmet kan søkje om servicestøtte. Støtta skal bidra til å oppretthalde dei aller minste butikkane og fungerer som ei betaling for den servicen som butikkane yter til innbyggjarar og verksemder i lokalsamfunnet.

Saksbehandlingstid

Du må rekne med at det tar 6-8 veker frå vi mottar fullstendig søknad til du frå svar. Dersom vi må returnere søknaden for å få fleire opplysningar, vil det ta lengre tid å få svar på søknaden.

Dette kan du få støtte til

Servicestøtta skal dekke utviklings- og driftskostnader som butikkane har for å fylle rolla som lokalt servicesenter. Støtta kan og dekke mindre investeringar som bidreg til å nå målet med ordninga.

Når du søkjer om servicestøtte i Regionalforvaltning, må du opplyse om kva tilleggstenester butikken tilbyr, utanom sal av daglegvarer, og planar for vidareføring eller utvikling av desse. Men du skal ikkje søkje om støtte til konkrete tiltak, slik som du må gjere når du søkjer om tilskot frå dei andre støtteordningane.

Desse butikkane kan få servicestøtte

Du kan søkje om støtte til butikken din dersom den

har ein avstand på minst 20 kilometer til næraste alternative innkjøpsstad, eller ligg på ein stad utan fast vegsamband, eller er einaste daglegvarebutikk på ei øy.
har omsetning for mindre enn 5 millionar kroner i året. Meirverdiavgift, drivstoff, kraftfôr og gjødsel skal ikkje reknast med.
er open heile året og har ope minst 3 kvardagar per veke i lågsesong.
har minst tre tilleggstenester i tillegg til sal av daglegvarer, til dømes post og bank i butikk, tipping, kaffikrok, turistanlegg, kommunalt servicekontor, sal av drivstoff, kafé/pub, m.m.

Så mykje kan du få i støtte

Maksimalt støttebeløp er 150 000 kroner pr. år, eksklusiv meirverdiavgift.

75 % av støttebeløpet blir betalt ut ved tilsagn. 25 % blir betalt ut etter sluttrapportering.

Krav til søknaden

Søknadsskjema for servicestøtte lagt ut i Regionalforvaltning 1. mai kvart år.

Butikkar som ikkje tidlegare har mottatt servicestøtte, må ta kontakt med Merkur-konsulenten sin for å få ei tilråding om støtte.

Før 1. mai året etter tilskotsåret skal butikken levere ein sluttrapport ved å svare på spørsmål i utbetalingsanmodninga om korleis servicestøtta har bidrege til å vidareutvikle eller halde i gang butikken og tilleggstenestene. Du må leggje ved omsetningsrapport (varegruppe og nøkkeltal) frå butikkdatasystemet per 31. desember i tilskotsåret.

Er vilkåra for tilskot til butikken framleis oppfylte, kan butikken søkje om nytt, årleg tilskot når sluttrapport er levert.

Støtte frå Merkur-programmet blir rekna som bagatellmessig støtte. Du kan lese meir om kva det betyr for butikken her.

Slik søker du

Snakk med ein konsulent

Her er regelverket for Merkur-programmet

Regelverket for tildeling av Merkur-støtte er regulert i ei eiga forskrift. Vi har også lenka direkte til den delen av forskrifta som gjeld kvar særskild ordning.

Det er også viktig å setje seg inn i