Hjelp til butikkar i krise
Når den gamle kjøpmannen må gi seg og ingen står klar til å ta over, kan Merkur-konsulenten gi ei hjelpande hand for å sikre det servicetilbodet nærbutikken representerer eller service- og kulturtilbodet bokhandelen står for.
Merkur-konsulentane er bedriftsrådgivarar som har verdifull kompetanse på drive utviklings-prosessar, kombinert med kunnskap om butikkdrift og tilleggsfunksjonar.
Slik fungerer omstillingsordninga
- Omstillingsordninga er eit tilbod om profesjonell hjelp i krevande situasjonar, som butikknedlegging eller konkurs, generasjonsskifte, eigarskifte eller nyetablering.
- Ordninga blir også brukt i situasjonar der kjøpmannen treng oppfølging av bedriftsrådgjevar for å møte utfordringar knytt til salssvikt eller forverra konkurransesituasjon.
- Ordninga kan også brukast til å arbeide med å etablere formelt samarbeid mellom kommune og butikk.
Nedlegging av ein butikk fører ofte til ei bygdemobilisering. Når butikken er borte, oppdagar bygda kor viktig butikken var både som lett tilgjengeleg handlestad, som servicesenter og som møteplass. I fleire bygder har det blitt etablert folkebutikkar ved at bygda går saman for samle inn pengar og etablere sin eigen butikk.
Kvart år blir det lagt ned rundt 20 nærbutikkar i Distrikts-Norge. Men mange av butikkan startar opp igjen, med hjelp og støtte frå Merkur-programmet.
